❧ A l'ami qui ne prestoit que sur bon gage, ou sur bon hypothecque, mesme à ses plus grans amis
Quand Guy demande argent pour prest,
Tu dis : "Que sa vigne en responde."
S'elle en respond, tu es bien prest
De luy prester la somme ronde.
Ton espoir donc se fie et fonde,
Et ton amour prent son appuy,
Plus sur sa vigne que sur luy.
Or maladie non petite
Te tient au lict et en ennuy,
Dy que sa vigne te visite.